Meta me tone të ashpra ndaj Ramës: Mos provoko trazira në Shqipëri

00:24 | 31 Tetor 2020
Trina Galanxhi

Presidenti Ilir Meta, i ftuar në emisionin “Zonë e Lirë”, i bëri thirrje kryeministrit Rama të mos provokojë trazira në Shqipëri.

Meta tha se Rama për llogari të miqve të tij serbë dhe për llogari të Soros, ka 5 vite që po provokon shqiptarët.

Kreu i shtetit tha se ka ardhur momenti të ketë një ndarje përfundimtare. Teksa e quan Ramën lepur të kapur në çark, tha se ai s’mund të përballet me një luan i cili e ka për nder të bjerë dëshmor i kombit.

Pyetja qe nxiti debatin, kishte lidhje me atë çfarë tha Rama në parlament, teksa u shpreh, se; çfarë kërkon Ilir Meta, të bëhet mbret apo dëshmor?

Presidenti u shpreh i vendosur se do te respektohet sovraniteti i popullit, dhe se shqiptarët me 25 prill do të vendosin për vendin dhe të ardhmen e tij.

Ai dënoi votimin e të Enjtes në Kuvend, ku Rama prishi marrëveshjen politike të 5 Qershorit, dhe ku sipas tij, ai tani kërkon të jetë edhe palë edhe arbitër./tvklan

 

Shpërndaje në rrjete sociale

Lajmet më të lexuara

Të ngjashme

Foto lajm